Haaaay. Biyernes nanaman. Quiapo day nanaman. Ayon sa aking pagkaka-sukat mula sa daftlogic.com, wala pa sa isang kilometro ang layo ng Espana Blvd. hanggang sa Quiapo Church. Pero dahil nga Quiapo Day, aabutin ka ng halos 20 minuto bago makalagpas ng Quezon Blvd at sa wakas ay makapunta sa iyong destinasyon. Marami kasing debotong nagsisimba at marami ring namimili sa mga masisikip na eskinita ng Simbahan.
 |
| Traffic papuntang Quiapo. (static.flickr.com) |
Yun na nga ang nagiging problema. Dahil maraming tao, ginagawa itong oportunidad ng ating mga kapatid na driver para makakuha ng mga pasahero. Ang nangyayari, nagiging isang malawak na terminal ang gilid ng Quiapo Church at hindi sila aalis hangga't hindi nila napupuno ang kanilang mga jeepney. In short, ang puno't dulo ng traffic na ito ay ang kawalan ng disiplina ng ating mga driver.
I have nothing against our jeepney drivers. Sa katunayan nga ay ina-admire ko ang kanilang kasipagan. Ang pagiging isang jeepney driver ay isang marangal na trabaho. Walang mali doon. Ginagawa lang nila ang trabaho nila. Kailangan nila ito para matugunan ang pangangailangan ng kanilang pamilya.
Kaso lang, isn't it too selfish? Dahil gusto nilang kumita ng pera, gagawin nilang istasyon ng jeep ang labas ng simbahan. Marami kasing nape-perwisyo e. Mga taong nagmamadali, may appointment, gustong-gusto nang umuwi sa kanilang mga bahay, at magde-deliver pa ng mga perishable goods. Diba? Kung dire-diretso lang sila at hindi mananatili doon para magsakay ng pasahero, swabe lang! Tuloy-tuloy. Pagkalagpas kasi ng Quiapo Church, medyo maluwag na ang daloy ng trapiko.
Again, I have NOTHING against our dear jeepney drivers. Ito lamang po ang napupuna ko.
Pero ayaw ko namang isisi ang lahat sa ating mga kapatid na driver. Siguro may mali rin sa sistema. Maaari naman silang magpatupad ng ordinansa na nagbabawal sa mga jeep na tumigil sa Quiapo para lang maging loading zone. Kung meron lang talagang political will, maipapatupad nila ito nang maayos e. Kaso wala. Kaya minsan, hindi lang Biyernes ang ma-traffic, kundi ang iba pang araw sa isang linggo.
Hindi lang sa Quiapo ma-traffic. Ma-traffic rin sa Taft Avenue. Ma-traffic rin sa Coastal Road. Ma-traffic rin sa EDSA. Hindi ko na maiisa-isa ang mga kalye sa Kamaynilaan na pinamumugaran ng traffic. Baka maumay kayo sa pagbabasa. But what they have in common is, hindi kagandahan ang imprastraktura ng mga nabanggit kong mga lugar.
 |
| Aerial View ng South Luzon Expressway. Ang ganda a. (farm7.staticflickr.com) |
Kapag uuwi kami ng probinsiya at dadaan ng South Luzon Expressway, karugtong pa ang Star Tollway, dalawang oras lang, andun na kami sa bahay ng lola ko. Pero simula Cavite hanggang Maynila ay aabutin ka ng halos dalawang oras. Partida ha, probinsiya na yung nauna. Ang pagkakaiba nila, sobrang ganda ng kalsada gamit ang SLEX, unlike dito sa Maynila na sobrang daming mga sasakyan ang naghahati-hati sa mga hindi naman kalalawakang mga kalya. Kung sing-lapad lang siguro ng Commonwealth ang lahat ng mga kalye dito sa Maynila, WOW, ang sarap siguro magbiyahe.
Traffic and the Philippine Economy
Sa tatlong sites na napuntahan ko, travelwireasia.com, allworldcars.com, at driveabroad.com, kasama ang Manila sa mga inilista nilang cities with worst traffic jams.
Hmmm. Na-realize ko lang. Wala rin palang kawala ang mga highly industrialized countries sa ibang panig ng mundo. Masyado palang idealistic itong sinulat ko. Hindi pala talaga maiiwasan ang traffic sa pag-usad ng mga umuunlad na mga bansa. Pero kahit na! Nakaka-stress pa rin ang lumusong sa traffic.
 |
| Traffic Jam in Japan. (allworldcars.com) |
The country is losing money, as people's productive hours slip away in traffic.
A study by the National Center for Transportation Studies says traffic in Metro Manila cost the country 137.5 billion pesos in 2011.
The loss in productivity is almost as much as two months worth of remittances and equivalent to 1.4% of the total Philippine economy. (Rappler.com, 2012)
Kita mo nga naman. Ang laki ng nawawala sa ekonomiya ng Pilipinas! Ang layo sana ng mararating nung 137.5 bilyong piso. Kasi nga naman. Pag na-late ka dahil sa traffic, kaltas ang sweldo mo. Yung mga perishable goods naman na nata-trap sa traffic ay nagpe-perish na at hindi na nakakarating sa ating mga palengke. Kaltas rin yun sa kita. Kahit sa mga drivers. Sa halip na maka-ilang ikot sila ng biyahe, mababawasan pa ito dahil lang mata-trap sila sa traffic. Sayang ang pera. Sayang ang pagod. At higit sa lahat, sayang ang oras. Oras na kasi yun e. Hindi na mababalik yan. Yun ang pinakasayang sa lahat.
Well sabi nga nila, hangga't may buhay, may pag-asa. Sana lang magkaroon pa ng solusyon ang nakaka-iritang problema ng Kamaynilaan. What we need is political will and higit sa lahat, DISIPLINA. Disiplina ang nakikita kong tanging solusyon para sa problemang ito.
Inuulit ko. Hindi unique sa Pilipinas ang mga ganitong traffic. Wala akong galit sa mga butihin nating mga driver. Isinulat ko lang dito ang mga napapansin ko sa ating lipunan.
________________________
Para sa ilan pang mga ulat ukol sa laki ng nawawala sa ating ekonomiya bunsod ng trapiko, narito ang ilan pang mga websites:
1. http://newsinfo.inquirer.net/277446/ph-economy-losing-3-27b-in-human-productivity-due-to-traffic-mess
2. http://pinoy-business.com/money-and-finance/financial-losses-from-metro-manila-traffic
_________________________
Sanggunian:
Visconti, K. (2012). Traffic and infrastracture delays cost the Philippines. Retrieved from http://www.rappler.com/business/13137-traffic-and-infrastructure-delays-cost-the-philippines
http://allworldcars.com/wordpress/?p=11866
http://www.travelwireasia.com/2011/12/asias-worst-traffic-hotspots-and-how-to-get-around-them/
http://www.driverabroad.com/driving-facts/most-traffic-congested-cities/
Mga litrato:
http://static.flickr.com/20/71310080_7b689c2262.jpg
http://farm7.staticflickr.com/6180/6181163746_53519165b7_z.jpg
http://allworldcars.com/wordpress/wp-content/uploads/2008/12/01/tokyo_traffic_jam1.jpg
No comments:
Post a Comment